Қызылорда қаласы тұрғындарын ауыз сумен қамтамасыз ету қазіргі таңда жер асты су алу көзі -ұңғымалардан жүзеге асырылады.

Мекеме теңгерімінде бүгінгі таңда 105 бірлік жобалық қуаттылығы тәулігіне 79752 текше метр ауыз су беретін ұңғымаларымен бірге «Степь», «Бас тоған», «Арай», «Мұнайшы», «Қызылжарма», «Мерей» су алу құрылымдары қызмет атқарады.

Жер асты су көзі- Қызылжарма кен орындарынан тереңдік насостарымен алынған ауыз су таза су резервуарына жиналады және «УОЭ-Э»электролиздік қондырғысының суды залалсыздандыру процесімен тазартылып, әрі қарай II су көтеру насосты станцияларымен қалалық орталықтандырылған ауыз су  тарату жүйелері арқылы тұтынушыларға беріледі.